首頁

• 主禮：陳祐陞牧師
• 聖經：路加福音二十四:13-36
• 金句：
• I ìn góa kóng, “Góa ê un-tián ū-kàu thang boán-chiok lí ê su-iàu; in-ūi lí loán-jio̍k ê sî, góa ê khùi-la̍t chiah ōe-tàng oân-choân hoat-hui.”(Ko-Lîm-to hō͘ 12 chiuⁿ 9a chat)(現代台語羅馬字2021版)
• 伊應我講：「我的恩典有夠通滿足你的需要；因為你軟弱的時，我的氣力才會當完全發揮。」(哥林多後書十二:9a)（現代台語漢字2021版)
• 他卻回答我：「你只要有我的恩典就夠了，因為我的能力在你軟弱的時候顯得最剛強。」
• (哥林多後書十二:9a)(路加福音十九:46)(現代中文譯本2019版)

當咱行人生道路的時，有時咱都會遇著困難，以致在咱生命裡面產生許多灰心、失志之時，兩個學生對耶路撒冷欲回去以馬忤斯。或許在沿路𪜶所想的是”耶穌！祢在生的時怎樣互瞎眼的看見”，互跛腳的會行路，會趕鬼醫病，甚至連死四日的拉撒路祢也互他復活起來，總是當祢互人釘在十字架上，大家在遐給祢恥笑，吐痰，𪜶叫你對十字架上跳下來，祢是按怎不下來？長久以來祢一直是阮平素所盼望，阮的倚靠，今仔日祢卻來死在十字架頂。總是今仔日阮也有聽說，祢已經復活，不在墳墓裡。”這些問題互學生心中產生疑惑、困擾，𪜶不知欲按怎去面對，所以這二個學生是低頭喪志的走在路上。在17v說「𪜶的面帶憂(愁)容。」我想咱攏曾遇過這款的情形，因為當咱遇到困難之時，許多時陣咱攏無笑容，甚至臉帶憂愁，因為無法度了解，甚至有時咱也會想說，「主啊！我這麼熱心服事祢，是按怎我會遇到這些困難？」當咱遇到這些問題的時，或許可對兄弟姐妹中會得到一些安慰，總是真正解決的唯一方法即是轉來聽上帝的話，在咱的思想、觀念中轉向上帝，這是唯一的方法。當咱不閣看困難轉向上帝的時，上帝就為咱開路。當咱遇到問題的時，時常咱會在問題中走撞，今仔日上帝的話欲幫助咱，咱的觀念需要改變。的確，十字架在當時羅馬帝國是一件最可悲又可恥的刑法，總是歷史給咱證明，這個最可恥的十字架，通過耶穌基督已經成為彰顯上帝榮耀的記號，用人的眼光看到的十字架是復活與榮耀的記號。