2021.03.07.「約伯牽手的選擇-祝福或是離開上帝」.台語/華語.王美書傳道

經文:約伯記二:7-10、約伯記十九:17、約伯記三十一:9-10、約伯記四十二:10-13
聖詩:25、578、400

一、約伯太太的來批

  為甚物今仔日欲講起約伯ê牽手leh?因為我讀著一張伊寫的批,盼望我佇這個婦女主日為伊講幾句話。Chit張批,按呢講:

  『我是約伯ê太太。我無家己ê名。恁知影約伯記這本書,嘛讀過一開始按怎講góa(我)ê。大家ê印象sī我ê先生約伯有jōa hó額。後來伊失去一切。最後又擱恢復。確實,伊佇過程tiong,失去每一個人佮事務,孤單佇世間。毋過,事實上,伊擱ū我。總是大部份ê人,攏認為我是撒旦ê代言人。𪜶徙來袂記得我是一個死了十個囡仔ê老母。所以,我上好是較早死去,才不免予人當做約伯的phàiⁿ太太。我的丈夫真有靈性,當然他也(mā)會反抗。甚至伊會攻擊上帝。現在,我攑筆,毋但為家己講話,iā為著已經佇聖經佮歷史上消失的人講話。』

約伯記值得咱好好讀一遍

  為著beh好好認識約伯的牽手,我擱去讀約伯記。總是歸本冊42章ê中間,伊干焦親身出現過一次,佇2:9講過一句話。其他攏是約伯、約伯的朋友、上帝咧講話。總是我鼓勵大家轉去一定愛kā約伯記讀一遍。因為佇咱的實際生活中,約伯牽手及伊的尪會遇著的,咱也會遇著。逐種的災厄,無論是財產的損失,家己艱苦抑是親人ê死失。咱攏會聽著正面鼓勵ê話,mā會聽著批評kap負面ê聲。無拘,咱敢有想過,有一寡狀況超越咱的理解,尤其sī痛苦。

  我苦勸大家將約伯記好好讀完,m̄-thang連伊的朋友攏不如。約伯的親戚佇約伯上落衰的時陣找不郎,直到最後約伯擱好額的時陣𪜶才轉來,雖然彼時in ū chhà 物件lâi。盼望大家愛記得,無論約伯遇到甚麼款的情形,攏是約伯的牽手佇伊身軀邊,大家佇網路頂面收聽約伯記,或是去公報社買CD轉去聽,兩點鐘就可以聽完約伯記。所以我苦勸大家陪伴痛苦死失的人,不只兩點鐘,是一個擱一個兩點鐘。

  若是講起約伯的太太。你按怎(án-ná)想?

二、約伯先生與約伯太太的難題:祝福、離開上帝或是…

約伯記中有關約伯太太的經文

  講起約伯ê牽手,咱敢記得伊所講的那句話?伊唯一的一句話:「你iáu-kú執守你ê純全mah?Tio̍h棄絕上帝來死。」(2:9)。比起約伯,伊毋但話少,講ê敢會聽chit?約伯ê反應sī,「你講話是親像hiah-ê戇ê婦人人所teh講ê。怎樣nih?咱tùi上帝受福氣,kiám無tùi伊受災厄mah?」約pek太太對約伯hia承受大大ê受氣。總是,約伯太太佇極大ê痛苦中,伊毋是路邊經過ê,伊sī失去十個親生養飼的孩子ê老母,伊ê尪破病到極,脾氣足hāi,伊的痛苦咱有法度想像與體會無?毋但lán僫得體會,連siōng親ê尪約伯iā bô- hoat-tō͘(無法度)。

  約伯責備伊的話,不只是情緒愛tháu爾爾。約伯sī直接kā約伯太太kiāu,伊用戇婦人人,不是teh講伊的頭殼無好,是teh指責伊道德上的欠缺以及對信仰真理無知。怎樣nih?約伯koh表達出來伊ê厭ò͘ⁿ,無法度忍受。約伯一點á攏bōe 孤單,因為,佇伊後面濟濟信仰𠢕人攏kā伊贊聲。有名ê 教父奧古斯丁講,i sī 撒旦ê 仝路jîn。長老會ê 會chó͘加爾文講:魔鬼 ê 工具ah。佇台灣找得到的記錄,就是2018年的教會公報第3482期的文章,講起約伯互牽手來恥笑,伊的牽手不同情也無仝心teh質問約伯。

  佇約伯佮朋友講話sî,提起太太的所在有兩位。一位講起「我嘴的氣味,互我的某厭賤(巴克禮版)//我口的氣味,我妻子厭惡(和合本)」,也就是太太棄嫌伊身軀ê臭味。總是,對約伯太太來講,約伯的嘴及伊嘴所出的,無論是有形或是無形,真正攏臭ká。咱繼續看落去,當約伯欲為tio̍h家己ê義辯駁ê時,用伊的太太做咒誓ê對象(巴克禮版)「我的心若互婦女引誘去,抑是我匿佇厝邊的門啲等,就願我的婦仁人給人挨磨(oe-bō),別人也及伊同房(巴克禮版)//我若受迷惑,向婦人起淫念,在鄰舍的門外蹲伏,就願我的妻子給別人推磨(燒飯),別人也與她同室(和合本)。(31:9-10)」約伯的咒誓真難聽,翻譯出來就是我絕對無去睡別人的某,若有,就互我的某互別人困去。這款的思考,反映出約伯以及伊時代的文化及價值觀。若伊真正有行姦淫的代誌,就照律法處理就好,為什麼擱牽拖自己的某?當然你也可以講佇艱苦中伊已經亂講話,總是,伊無亂罵上帝啊,到一個程度,約伯的完全正直、無犯罪,對約伯的太太來講擱是另外的體會。

  咱會使延續約伯以及信仰前輩的想法,總是經文中間,佇上路尾的所在,耶和華並無贊同約伯的意見,當上帝責備約伯的朋友的議論不如約伯精確的時,上帝對約伯的太太無任何的責備,甚至互伊成作約伯重建時尚重要的同伴,按尼,咱有必要斟酌來看約伯太太到底講甚麼。

戇ê婦人人?總是伊問「對的問題」!

  到底約伯的太太說了甚麼?約伯記2:9的經文是按尼講—

  你iáu-kú執守你ê純全mah?Tio̍h棄絕上帝來死。(巴克禮)

  他的妻子對他說:「你仍然持守你的純正嗎?你棄掉神,死了吧!」(和合本)

  ‘His wife said to him, “Do you still persist in your integrity? Curse God, and die? ” (NRSV)

  2:9a,約伯太太其實是重複上帝在2:3所說的話。「伊猶原執守伊ê純全」(你仍然持守你的純正嗎?) 2:9b似乎是同意撒旦在1:11和2:5b講的話。「Taⁿ你若伸你ê手,磕tio̍h伊lóng總所有ê,伊的確當面棄絕你。//你且伸手傷他的骨頭和他的肉,他必當面棄掉你。」「就伊beh當面棄絕你。//他必當面棄掉你。」(2:5b)

  所以,約伯太太其實是重複上帝、撒旦的話,而且擱加一個新要素,就是死。約伯太太所講的話,佇意義頂面有討論空間,因為伊不但使用上帝及撒旦講的話,關鍵chāi-tī伊使用棄絕的字,佇希伯來原文中是barak,這字的用法有正面以及負面兩種用法。

  正面來講,barak是「祝福」的意思。佇約伯記的序言中, 1:10「你kiám m̄是用籬笆圍伊,koh圍伊ê家,kap圍伊四面一切所有ê mah?伊ê手所做ê,你賜福伊,賜福就是barak,就是你祝福伊,伊ê家業也tī地裡加添chōe-chōe(巴克禮版本)。//你豈不是四面圈上籬笆圍護他和他的家,並他一切所有的嗎?他手所做的都蒙你賜福(賜福就是barak);他的家產也在地上增多。(和合本)」1:21(約伯)講,「我thǹg-theh出老母ê胎,也beh thǹg-theh tò去hia;耶和華賞賜,耶和華the̍h去,tio̍h o-ló耶和華ê名。//我赤身出於母胎,也必赤身歸回;賞賜的是耶和華,收取的也是耶和華。耶和華的名是應當稱頌的。」那個翻作著呵咾ê字,sī barak。  

  不過barak也有負面的意義,佇1:5、1:11、2:5。負面的意思就是詛咒或是向上帝講再見,愛汝不到,祝汝幸福的那種再會ê氣味。約伯足驚伊的子佇心內向上帝再會。另外,撒旦也主張佇約伯經驗著一切的痛苦後,約伯會向上帝講再會。和合本以及巴克禮聖經,攏翻譯作棄絕。總是英語的聖經,翻譯作curse(詛咒),詛咒及棄絕上帝是歸屬同一類。

  所以,現在約伯太太到底是beh採取這個字的哪一種意思?

  第一種可能性是伊建議先生詛咒或是向上帝講再會。當約伯按尼做,自然就會互上帝棄捒,而且死亡。這款ê kái-soeh(解說) sī 根據1:5、11 kap2:5。第二種sī伊ài 祝福上帝,然後,tī祝福上帝ê sî  lâi死去,照這種嚴峻的辦勢,死亡可能也近啊。(根據1:10、21)照約伯hō͘伊太太ê回應,兩種解說lóng會通。毋過,約伯拒絕伊ê提案。無論如何,約伯無想beh咒詛上帝,也無願意死去,伊koh khah bô愛祝福上帝,因為祝福袂落去。

  佇歷史頂面,咒詛、棄絕上帝ê解說得著勝利,sī主流ê看法,尚有名ê就si奧古斯丁kap加爾文,尚極端的是約伯太太是撒但的奴僕、幫助、同路人。如此解識,就忽略2:9a的部份其實及上帝佇2:5有呼應的關係。所以,我認為愛保留這種曖昧不明,兩種解釋攏有可能。

  約伯太太在故事中的角色真特殊。一方面,伊完全予伊尪的形象蓋過去,親像及這個故事無甚物tī-tāi。另外一方面,伊koh hō͘約伯反應出伊所講的話。雖然約伯責備伊sī 戇ê婦人人。總是伊ê 話(ōe) 卻有效果。因為約伯是第一擺受著死亡ê威脅,而且tī伊ê 面前ū選擇:是要barak/祝福或是beh barak /向上帝講再會。約伯受迫ài作出選擇。對約伯的太太來講,生產是生得過麻酒香,生不過四塊板,伊十次生產,十次面對死亡威脅,做出十次的選擇。總是,約伯 tùi 這霎開始,卻將兩個做法khǹg 一邊。伊ê 太太將死亡紹介hō͘伊,提起伊心中ê憢疑。約伯無擱遐爾â確定,伊開始問問題。伊開始用地上ê觀點lâi 辯論,無koh 將進前ê耶和華ê 觀點當做理所當然。所以,約伯ê太太扮演真關鍵ê角色。通過伊,約伯才有機會對確定ê信徒變作提問的。當這時,約伯才因為憢疑來產生性命力kap真實,因為約伯才開始佇生死;苦痛的、憢疑中重新省察伊對上帝ê信仰。

三、結論:受傷者陪伴受傷者的約伯太太

  Tī序言中,上帝已經講起tī 上帝面前無因端ê信仰sī pì-iàu-ê(必要的)。毋過,tùi 人來講 毋是pì-iàu-ê,是一種可能ê選擇。天頂kap 地面ê 觀點,真正sī 天差地遠。毋過,約伯毋知,通過kap 朋友長長ê討論,伊才漸漸明白。

  Chiū親像上帝、撒旦ê討論,約伯猶未明白進前,約伯ê太太卻已經講出天頂會議ê兩種觀點,以及人的選擇。伊無去辯論到底現在是甚麼情形。伊用真實ê 問題kap建議互伊ê翁婿,雖然受著翁婿ê lúi罵,以及濟濟後世解說chiá ê攻擊。總是,伊恬恬無出聲tī約伯ê身軀邊,直到約伯佇長長ê對話也是更新的路中,得著上帝ê回應,最後擱kap約伯做伙建立新的生活。

  約伯太太佇家己苦痛到極時,擱陪伴苦痛到極ê約伯。𪜶bô佇苦難中隨時祝福上帝、也bô向上帝講再會,擱khah 無去死,𪜶放棄原來心中的答案,佇對上帝ê 認捌受轉換的時,認捌創造ê媠,直到家己koh經驗復原ê新生活。所以,約伯的牽手,是勇敢的、是智慧的、是恬恬陪伴受苦的的受苦ê。佇婦女紀念主日,咱來紀念伊,紀念千千萬萬佇咱生活中、逐所在,有血有肉有眼屎的約伯太太,𪜶用行動講出𪜶所認捌ê上帝,咱姊妹的名字,上帝攏知。